Pagtulis sa gasolinahan sa Tagum gi-imbestigahan

26

Davao City – Nagpadayon karon ang imbestigasyon sa Tagum PNP labot sa nahitabong pagtulis sa usa ka gasolinahan sa Apokon, Tagum City, Davao del Norte alas-7:45 sa gabii niadtong Lunes, Enero 20, 2020.

Sa interbyu sa DXDC RMN Davao kang Police Lt. Colonel Ariel Acala, Office in Charge sa Tagum City Police Office, giila niini ang mga biktima nga si Lisa Alabat Mamliclic, 30-anyos, pump attendant ug Maria Fe Villacora, 33-anyos, cashier sa gasolinahan nga kalit nalamang gitionan og pusil sa wala mailang suspek.


Nasibat sa tulisan ang anaa sa P10,000 gikan sa mga biktima human nga walay nakitang kwarta sa kahera.

“Giduolan sila unya giduol ang kahera. Unya wala namay sulod ang kahera kadtong bag sa kahera ang na-tripan nga naa didto ang kwarta pud,” saysay ni Acala.

Gipanubayan na sab karon ang closed circuit television (CCTV) camera sa gasolinahan nga makatabang sa nagapadayong imbestigasyon.

RadyoMaN Kirby Manzon

Facebook Comments
From Advertisers