Pahugtan ang pagpatrolya mando ni Col. Lagradante sa mga COP sa Gensan

10

General Santos City–Gimanduan na ni Gensan City PNP Director Police Col. Aden Lagradante ang walo ka Chief Of Police ning syudad nga mas pakusgan pa ang ilahang ginapahigayun nga Police Patrol alang usab sa police visibility sa syudad aron nga maminusan ang nagkahitabong krimen.

Sumala pa niini nga kung kanunay matud pa nga makita ang kapulisan sa kadalanan sa Gensan mag alanganin ang mga kriminal nga mobuhat sa ilahang mga dautang plano.


Apan aminado man usab si Col. Lagradante nga dili gayud kanunay anaa ang kapulisan sa tanang lugar hinungdan nga aduna gihapoy makalusot nga mga krimen apan gimando naman usab niini nga pahugtan pa ang ilahang mga imbistigasyon sa mga krimen nga nahitabo sa Gensan.

Ginareview na usab nila ang mga crime clock ug crime map sa matag area aron masuta kung asa sagad mahitabo ang kremin ug kung unsa kini oras aron nga maka himo ug adjustment ang mga COP sa ilahang patrol plans.(Dave Silagan)

Facebook Comments