Palarong Pambansa 2019 himuon sa Davao City

Davao City – Opisyal ng gianunsyo sa Department of Education kun DepEd niadtong adlawng Sabado nga ang Davao City ang mag-host sa Palarong Pambansa 2019.

Sumala ni DepEd secretary Leonor Briones nga ang presidential hometown maoy nidaog sa bidding nga mu-host sa maong paugnat sa kusog diin napildi ang Zamboanga, Misamis Occidental, ug General Santos City.

Samtang gianunsyo usab sa City Information Office sa Davao pinaagi sa ilang official facebook fan page ang maong balita nga gikalipay sa libuan ka mga dabawenyong netizens.


Kagahapon, pormal ng giabrihan ang Palarong Pambansa 2018 nga gipahigayon sa Vigan, Ilocos Sur diin karong adlawa sugdan na ang mga nagkadaiyang aktibidad sa maong paugnat sa kusog nga gisalmutan sa mga batang atleta gikan sa nagkalain-laing rehiyon sa Pilipinas.

RadyoMaN Renz Barbarona

Facebook Comments