Palengke sa Maasim, gilockdown

26

Maasim, Sarangani Province— Gipailawom sa lockdown ang palengke sa munisipyo sa Maasim Sarangani Province. Sumala ni Police Captain Herman Luna, Labaw sa Maasim Municipal Police Station nga gipailawom sa lockdown ang palengke sa munisipyo sa Maasim para sa dis-infection sa rason nga adunay mga nagpositibo sa covid 19.

Sumala pa ni Captain Luna nga dunay gihatag nga instraksyon ang Mayor sa maong munisipyo nga temporaryo usa nga ilockdown ang palengke aron nga mapugngan ang pagkuyanap sa virus sa lugar. Ang mga personahe matud pa sa Bureau of Fire Maasim ang maoy nag dis-infect sa lugar ug wala pa nasayod ang opisyal hangtod kanus-a ang lockdown ug nagadepende nalang kini sa rekomendasyon sa DOH kung pila ka adlaw ipailawom sa lockdown ang palengke.


Dugang asoy sa opisyal nga basi sa inisyal nga impormasyon nga nadawat aduna matud pay upat nga nagpositibo sa maong virus nga naninda sulod sa palengke gani dunay plano ang Mayor sa Maasim nga tanang nagtinda sa palengke ipailawom sa rapid test aron mahibaw-an kung si kinsa pa ang positibo sa makamatay nga virus.(RV)

Facebook Comments