Palihi: Beliefs & Practices

23

Davao City – Dinhi sa Pilipinas, nahimo nang tradisyon ang giingong ‘palihi’ matag sugat sa Bag-ong Tuig diin alang sa mosunod nga tuig, mahimong mabungahon, mabolukon ug malipayon ang kinabuhi sa tawo. Unang palihi nga nasunod sa mga Pilipino subay sa pagtoo sa mga Intsik mao ang pagkaon ug pansit aron makabaton sa maayong panglawas ug taas nga kinabuhi.

Ikaduha, sticky rice (pagkaon sa kan-on nga malagkit) alang sa hugot nga bonding sa pamilya. Ikatulong palihi, pagbutang ug mga nagkadaiyang lingin nga prutas sa lamesa nga tam-is alang sa prosperidad. Ikaupat, dili pagkaon sa karneng manok ug isda nga maoy kasagarang ginahimo sa mga Pilipino, aron dili magkalisud sa kinabuhi.

Ikalima, adunay mabiling kwarta sa pitaka, bank account ug sinsilyo sa bulsa aron dili magkalisud sa kwarta alang sa mosunod nga tuig. Ikaunom, dili mogawas sa balay, dili mogasto aron dili magkalisud sa panginabuhi. Ikapito, paglukso-lukso ilabi na sa mga kabataan aron motaas ang height bisan ug way ensaktong scientific explanation ug kalipay alang sa bag-ong tuig.

Ika walo, ablihan ang mga pultahan, bintana, drawers, cabinets aron mosulod ang grasya. Ika siyam, dili manlimpyo sa balay sa unang adlaw sa bag-ong tuig aron dili mobiya ang grasya. Ika napulo, pagsul-ob ug sapot nga ‘polka dots’ kay nagdala kini ug swerte alang sa mosunod nga tuig, ug katapusan mao ang pagsaba-saba pinaagi sa pagpabuto, pagpatingog sa mga busina sa sakyanan ug uban pa sa tumong aron molayas ang dautang mga espiritu nga nagdala ug kalisud.

RadyoMaN Bernard Pantallon

Facebook Comments