Pamatbat sa tatlo ka mga anay miembro sang RPA nga nagpatay kag judge Arles ‘kulang pa’ suno sa pamilya

BACOLOD CITY – Kulang pa. Ini naman ang reaction ni Philip Arles, bata sang gintiro nga judge nga si Henry Arles sa April 24, 2012.

Suno kay Arles nga nalipay sila bangod kay convicted ang tatlo ka mga ginasiling suspetsado, apang kulang bangod wala gid natumod kon sin-o ang mastermind ukon may madalom nga rasun sang pagpatay.

Para kay Arles, ila nalang batunon ang desisyon sang korte sa pagpati nga basi sa ulihi magguwa pa gid ang dugang nga mga witnesses nga magatudlo sang utok sang kremin.


Sa 37 ka pahina nga desisyon ni Judge Editha Mina Aguba sang Quezon City Trial Court, reclusion perpetua without parole ang pamatbat sa mga anay miembro sang Alex Bongcayao Brigade nga amu sanday Alejandro Capunong, Eddie Fortunado kag Jessie Daguia.

Guilty ang tatlo beyond reasonable doubt sa kaso nga murder.

Suno sa korte, sanday Capunong kag Fortunado nga sakay sa trisikol sa Barangay Manalad, Ilog ang nagbalabag sa dalan para mapapundo ang ginasakyan nga awto ni Judge Arles. Tiempo man atu para makatiro si Daguia sang makapila ka beses nga gintunaan sang kamatayon sang huwis./ In photo is Philip Arles

Facebook Comments