Pamilya Corpuz kag Lapido gindeklarar nga 2019 Model OFW Family of the Year Awards (MOFYA) sa rehiyon dose.

9

Gindeklarar nga 2019 Model OFW Family of the Year Awards (MOFYA) sa rehiyon dose sa landbased category ang pamilya ni Arnel Corpuz sang General Santos City kag pamilya ni Jesus Lapido sang Norala, South Cotabato naman sa seabased category sa ginpatigayon nga awarding sang Biyernes nga adlaw.
Ang mga nagdaug ang pambato naman sang region 12 sa national MOFYA search.
Nakuha naman ni Engineer Ronel Dominggo sang Isulan, Sultan Kudarat ang Special Award nga Outstanding Achievement in Entrepreneurship kag sa Outstanding Achivement in Community Projects nakuha naman ni Engineer Edwin Paragas sang Kidapawan City.
Ginbasehan naman sa pagpili sang Model OFW Family ang Success in Education or Profession of OFW or family members, Success in Managing Family Finances, Civic/Community Involvement of OFW and family kag Wholesomeness of OFW family nga ginhatagan sang 50 porsyento tungod daku nga hangkat sa pamilya sang OFW nga magapabilin nga buo sa pihak nga layuay ang mga ini, mga hangkat kag tentasyon sa relasyon.
Subong nga tuig nga MOFYA siyam ka mga Overseas Filipino Workers ukon OFW Family sa Rehiyon 12 ang ginpaidalom sa evaluation sang gintukod nga committee sang Overseas Workers Welfare Administration ukon OWWA 12.
Anum sa mga ini ang nominado para sa landbased category samtang 3 naman sa seabased category. Lakip sa mga nominees sa landbased category ang Villote Family sang Makilala, North Cotabato, Domingo Family sang Tacurong City, Sultan Kudarat; Corpuz Family kag Dice Family sa General Santos City; Selgas family sang Koronadal kag Paragas Family sang Kidapawan City.
Nominado naman sa seabased category ang Apura Family sang Kidapawan City, Fulgencio Famaily sang Alabel, Saranggani province, kag Lapido Family sang Norala, South Cotabato.
Suno kay OIC OWWA 12 Kristine Marie Sison ang MOFYA ang annual search sang ahensya agud nga mahatagan sang inspirasyon ang iban pa nga OFW`s tungod indi naman tanan suno pa ang napaslawan sa pagpasimplad sa iban nga pungsod.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers