Pamilya kag kakilala ni Novie Andico nagapati nga siya ang gin-abduct sang tinalikdan nga Nobyembre 19 sa dalan Lacson syudad sang Bacolod

100

Pamilya ni Novie Andico, 28 anyos , naga pati nga si Novie amo ang gin abduct sang mga lalaki nga sakay sa itum nga Avanza sadtong November 19, 2020 sa 19th Lacson Street, Bacolod City.

BACKGROUND STORY. Ginpahayag sa DYHB sang commander sang Police Station 2 nga si Police Captain Leo Estopa nga tubtob subong wala pa sang pamilya nga nagreklamo sa ila tuhoy sa gina-alegar babaye nga gin-abduct sa 19th Lacson St. sa ciudad sang Bacolod.

Suno kay Estopa, kun may magpa-record na sa estasyon posible nga may makuha gid sila nga CCTV footage sa lugar sa diin ginpahayag gin-abduct ang babaye sang wala nakilal-an nga mga suspek. Ginapa-verify naman sang Station 2 ang plate number nga ROX 5728 nga ginpahayag sang mga saksi amo ang plate number sang Avanza nga ginpasakyan biktima.


Una na ginpahayag sang mga saksi sa DYHB nga pasado las-8:00 sang gab-i, Nobyembre 19, halin sa area sang San Agustin, padulong sa dalan Lacson ang isa ka babayi, apang antis pa man makalab-ot sa Bangga malapit sa MAB Rent-a-Car gindulugan ini sang itom nga Avanza nga may plate number ROX 5728, nagguwa ang isa ka lalaki nga nakajacket itom kag gin-istorya ang babayi. Nagguwa naman ang duha ka mga upod sini kag pwersa nga ginpasulod sa salakyan ang babayi kag gilayon nga naglakat ang salakyan pagwa sa dalan Lacson.

Sa description sang mga saksi, ang babayi naga-edad mga 25 anyos, nakashort sang itom, kag naka-spaghetti nga bayo. Nabatian pa sang mga saksi ang tinaga nga ‘aaahhhh’ sang ginsulod sa Avanza ang babaye.

[image: image.png]



Facebook Comments