BACOLOD CITY – Hustisya ang panawagan sang pamilya Rapiz matapos nga ini ang ginlubong kaina sang udto sa Roselawn Memorial Park, Barangay Bata.
Wala sang 21 gun salute si PSupt. Santiago Y. Rapiz kondi rebolusyon sang motorsiklo kag sirbato gikan sa grupo sang iya bayaw.
Suksok ang itom nga t-shirt, liwat liwat nga ginpabutyag ni retired PSupt. Leroy Rapiz, magulang sini nga wala sang sala ang iya manghod, wala sang buybust nga natabo bangod wala man ini sang kalaban-laban nga gintiro bangod wala ini sang armas sang amu nga tion nga gikan sa paghampang sang basketball.
Indi na mabalik ang kabuhi ni Rapiz apang ang Diyos nakahibalo sang matuod tuod nga natabo paagi sa pagpangamuyo nga maagom sang ila pamilya ang hustisya suno kay Rapiz.
Para sa magulang, indi luha ang dapat makit-an sa lubong sang iya manghod, kondi kaisog nga malampuwasan nila ini tanan kag mapamuklat ang mga natungdan sa kamatuuran.
Si Rapiz ang ginsiling napatay sang Nobyembre 5 sa buybust sa Dipolog City sang mga katapo sang Counter Intelligence Task Force gikan sa Campo Crame.
Ini ang ginadeny sang iya asawa nga si Michelle bangod si Rapiz ang aktibo sa kampanya kontra druga sa diin may ginatambungan ini nga 37 ka hearing sang mga drug cases sa probinsya.
Paano makabaligya ang isa ka police Colonel sa lugar nga indi niya kabisado, kag bag-o lang nakatapos basketball, kag nagauba pa gani sang iya bayo.
Suno sa report kon tani, Nobyembre 8 magabalik na ini sa Bacolod bangod ginasiling ‘cleared’ na sya sa akusasyon sang ini ang gintransfer sa Mindanao.
