Sa interbyu sa RMN Davao sa inahan nga si Fely Talili, wala pa gyud nipatim-aw nga responsable sa pagkamatay sa iyahang anak.
Anaa sa grabeng kasubo ang pamilya tungod ang biktima nangandoy nga mubalik og eskwela sa kursong Edukasyon.
Pauli na ang biktima gikan og Matina Town Square diin nanarbaho kini isip kahera uban ang iyahang uyab ug mga paryente dihang mahitabo ang trahedya.
Disidido ang ginikanan nga kasuhan ang drayber sa maong puti nga pick-up nga nibangga sa gisakyang motor sa biktima ug sa uyab niining si Jayrald Damaulao.
Gibutyag niini nga dili sila magpaareglo ug kinahanglan nga atubangon sa suspek ang kalit nga kamatayon ni Ana Mae.
Nanawagan ang inahan sa mga nakakita sa insidente o may kasayuran sa drayber nga tabangan sila nga makab-ot ang hustisya.
RadyoMaN Aimee Guinita
