General Santos City–Hustisya ang gustong maangkon sa pamilya sa nahitabo sa ilahang amahan nga si Alex Tacdol, 53 anyos, nanimuyo sa block 24, lot 7, purok 17-B, Fvr Village Brgy.Fatima Gensan kansa gipusil sa wala mailhing suspek niadtong adlaw nga Sabado ala 1:00 sa kadlawon.
Nasayran nga dihang nahinanok ug tulog ang pamilyang Tacdol kalit nga gisulod sa suspek ang kwarto sa biktima ug diretso pusil nga miresulta sa pagkaigo sa tiyan niini
Pagbutyag sa anak niini nga si alyas Junjun nga niadtong higayona katapad niya ug tulog ang iyang amahan sa kwarto dihang gipusil ang nasampit ug wala nay nahimo ang iyang amahan kundili igo nalang sa pagpangayo ug tabang
Saysay man usab sa anak niini nga gisikaran matud pa sa suspek ang pultahan aron maabre ug gisulod ug didto na gipusil ang iyang amahan gani iya pang nakit-an ang suspek nga sumala pa niini dakoon ug lawas taason nga nakasuot ug kalo, nakamask ug naka-short
Dugang pa ni alyas Junjun nga wala pa sila kahibalo kung unsa gayud ang hinunghdan nganong gipusil ang ilang amahan gani sumala pa niini nga wala silay nasayran nga dunay nakalaban ang ilang amahan sa trabaho niini isip tigkumpra ug isda sa fishport.
Nasayran nga sa karon nagpaalim pa sa iyang samad ang biktima sa usa ka pribadong ospital dinhi sa Gensan. (Reynald Timario)
