Pamilya sa drayber nga gipusil-patay naglaum og hustisiya

43

Davao City – Naglaum nga matagaan og hinanaling hustisya ug mapadali ang pag imbestiga sa kapolisan sa San Pedro kabahin sa kamatayon sa biktima nga si Joseph Fabutt Mahilum alyas Otep 43 human gipusil niadtong milabayng gabie nahitabo sa Garcia Hieghts Bajada Brgy19-B siyudad sa Davao.

Sa interbiyo sa Rmn Davao kang Alen Mahilum ang igsuon sa biktima nga dili gyod nila dayon madawat ang kamatayon sa iyang igsuon.


Matud ni Alen nga ila nalang itugyan sa kapolisan nga mapalapdan pa ang gilusad nga imbestigasyon aron maila ang suspetsado nga mipusil sa biktima.

Saysay ni Alen nga walay kalaban ang iyang igsuon ug wala pod silay nadawat nga hulga apan nakurat niadtong milabay’ng gabie gipusil ang biktima sa wala mailhing suspek samtang namasada.

Sa pagkakaron ang patay’ng lawas gihaya na sa ilang pinuy-anan ug sa adlaw’ng Lunes sa November 17 ilubong kini sa Forest Lake Memorial Park ning dakbayan.

RadyoMaN Don Pulyao

Facebook Comments

From Advertisers