Davao City – Mapasalamaton ang usa ka amahan human nga natabangan sa DXDC RMN Davao pinaagi sa DXDC News Team sa pag follow up sa warrant of arrest sa suspek nga mipatay sa iyang anak.
Sumala ni Rodrigo Paño nga pinaagi niini ug kung hingpit na nga madakpan ang suspek, makuha na gyud nila ang hustisya sa iyang anak nga accountancy student nga si Rachelle Panio kinsa gipatay niadtong Agosto ning tuiga lamang.
Gani karon migawas na ang warrant of arrest order nga giisyu ni Presiding Judge Melinda Alconcel-Dayanghirang sa Regional Trial Court Branch 54 diin sa interbyu sa RMN Davao kang Police Staff Sargeant George Tac-an, ang imbestigador sa San Pedro PNP, nga nakigkoodinar na sila ngadto sa ubang Police Stations aron sa pagsikop sa suspek.
Kahinumdoman nga personal nga midangop ug nagpatabang sa DXDC RMN Davao ang amahan sa biktima gumikan sa kadugay nga pagpagawas sa warrant of arrest.
RadyoMaN Don Pulayao
