Pamilya sa quadruplets tabangan sa kapitolyo

57

Tabangan sa kagamhanan sa lalawigan sa Sugbu ang pamilya sa quadruplets nga mga bata nga gihimugso sa Vicente Sotto Memorial Medical Center (VSMMC).
Ang amahan sa mga bata nga si Kenneth Tongol nga taga Barangay Western Polacion sa Poro Camotes ,niduaw sa buhatan ni Cebu Governor Junjun Davide sa kapitolyo aron mangayo ug tabang .
Subay niini , Si Davide nimando sa Provincial Social Welfare and Development Office (PSWDO) nga tabangan ang pamilya ni Tongol tungod kay di nila makaya ang panginahanglan sa upat ka mga masuso .
Ang kapitolyo maoy moabaga sa bayranan sa ospital , mohatag kini ug gatas ug pagkaon sa pamilya .
Ang kapikas ni Tongol nga si Irene Rodriguez nanganak niadtong Abril 28 sa VSMMC pinaagi sa Caesarean sa upat ka mga bata o quadruplets.
Ang mga bata naa pa karon sa Neo-natal Intensive Care Unit sa VSMMC.

Facebook Comments