Pamilya sa rape victim gipamatay sa suspek

190

Davao City – Tadtad sa bala ug mga tinigbasan ang usa ka pamilyahang gipang-massacre sa may Sitio Guilon, Brgy. Marilog, Marilog District, Davao City alas-9:30 sa gabie niadtong Martes.

Patay sa mangilngig nga krimen ang 49 anyos nga inahan, 29 anyos ug 14 anyos niini nga mga anak nga babaye ug 5 anyos nga apo nga lalaki.

Narekober sa crime scene ang siyam ka mga basyo sa bala sa cal. 5.56 mm nga armas ug sundang.

Sa interbyu sa RMN Davao kang DCPO head Police Col. Alexander Tagum nga nikasa og joint hot pursuit operation ang kapulisan ug kasundaluhan batok sa suspek nga si Randy Silay Balagisi alyas Randy Alba, 23 anyos usa ka CAFGU ubos 16IB , 2nd Division Philippine Army nga naga-duty sa Brgy. Gumitan Patrol Base.

Matud ni Tagum nga kagahapong adlawa na-neutralisa ang suspek atol sa binakbakay sa mga awtoridad pasado ala-1:00 sa hapon.

Base sa imbestigasyon sa kapulisan nga kasuko o dumot ang gilantaw nga motibo sa krimen.

Nasayran nga gikatakdang mugula ang warrant of arrest batok sa suspek sa kasong pagpanlugos og 13 anyos nga usa usab sa mga kabanay sa mga gipang-massacre kinsa anaa sa pag-amuma sa DSWD.

Samtang, personal nga gibisita sa mga opisyales sa Armadong Kusog nga sila LTC. Oscar Partuza, 3rd Infantry Batallion Commander ug LTC. Rey Pasco 16th Infantry Batallion Commander ang pamilya sa mga biktima.

Nitunol og pinansyal nga ayuda ang militar.

Samtang gibutyag ni 16th IB, 2ID Commanding Offincer LTC. Rey Pasco nga naka-duty pa ang maong CAFGU una pa man niini alegasyong gihimo ang krimen.

RadyoMaN Aimee Guinita

Facebook Comments