Davao del Sur – Wala pay tagtungod nga nagpatim-aw sa punerarya sa Collado kalabutan sa usa ka patay’ng lawas nga gikato-ohang napusilan sa mga personahe sa BJMP diin usa ang samdan human nga nieskapo kagahapon sa udto sulod sa Provincial Jail sa dakbayan sa Digos.
Ang napatay naila nga si Tiwan Bakotal Pino, 22 anyos, residente sa Brgy. Datu Danwata, sakop sa Malita, Davao Occidental, nga adunay kasong murder samtang ang samaran giila nga si Digan Meroy Gampong, 22 anyos, residente sa Brgy. Kapatagan, Digos City nga adunay kasong homicide.
Si Gampong nakarekaber na human gipatambalan sa mga personahe sa BJMP Digos provincial hospital ug gibalik na ug priso kagahapon provincial Digos City Jail.
Sa gihimo natong pakighinabi ngadto kang Police Supt. Deozar Almasa, Station Commander sa Digos PNP human naglusad ug imbestigasyon ngadto sa Digos City Provincial Jail nga nakita sa personahe BJMP nga ni-eskapo ang naasoy nga duha ka piniriso pinaagi sa pagtungtung sa atop sa usa ka building ug ang usa miimbak sa pader hinungdan nga napusilan.
Sa karon nanawagan ang mga personahe sa Collado funeral parlor ngadto sa mga kabanay nga namatay nga si Bakotal Tiwan Pino.
Kasamtangang nagpadayon ang imbestigasyon kabahin niini.
RadyoMaN Don Pulayao
