Nagpakitabang sa RMN-DXCC ang pamilya sa usa ka piniriso nga si Renante Suwelto, human kini nga gilapwahan og ininit nga tubig sa hepe matud pa sa Maramag, Municipal Police Station.
Kini aron nga ipaangkon sa sala nga wala niini buhata, particular ang nahitabong pagpanulis.
Matud sa asawa sa biktima nga si Jimby Suwelto, 37 anyos- nga gidakop ang iyang bana niadtong Enero dos ning tuiga sulod mismo sa ilang panimalay, sa Purok 3 –Guinyuran Valencia City Bukidnon, alas kwatro sa kadlawon.
Dugang pa sa asawa, nga dako ang iyang kakurat sa iyang pagdalaw dihang iyang nakita ang kahimtang sa iyang bana nga adunay nilapwahan sa ininit ang lawas.
Dihang iyang gipangutana ang iyang bana, gibutyag niini nga gikuha kini sa selda ug giguyod sa kusina ug gipaingkod, ug gipatug-an nga maoy mitulis sa usa ka sugar industry sa MOS1.
Nasayran nga gidakop si Suwelto sa kapolisan sa Maramag, Â pinasikad sa warrant of arrest.
