Pamilya samaran human mibuto ang ligid sa ilang gisakyang tricycle baja

Dumalinao, Zamboanga del Sur – Nakaangkon ug mga samad ug bun-og sa nagkadaiyang parte sa kalawasan ang usa ka driver uban ang pamilya niini human mibuto ang ligid sa ilang gisakyang motor tricycle baja ug mibangga sa kasugat nga sakyanan.
Nahitabo ang aksidente sa kadalanan kagahapon sa udto sa Purok Malipayon Brgy Camanga Dumalinao, Zamboanga del Sur.
Sa imbestigasyon sa Dumalinao PNP nasayran nga ang tricycle baja color pula ang gimaneho ni Herbacio Opanes Comighod , 52 anyos, kauban ang iyang asawa nga si Helen Retubale Comighod, 43anyos, ug duha ka mga anak, pulos mga residente sa Purok Maisan Brgy Sebucao Dumalinao ang kinsa aksidenteng nabangga ngadto sa kasugat nga sakyanan human mibuto ug nawad-an sa balance ang driver. Ang kasugat nga sakyanan ang gimaneho sa usa ka nagngalang Emer Barrientos Marpe , 48 anyos, residente sa Purok 4 Aquino Brgy Manga Pagadian City kinsa nagbyahe gikan Pagadian paingon ngadto sa Margos.
Daling gidala ang mga nasamdan sa Pagadian Hospital arun katambalan samtang ang parehong mga sakyanan ang gidala sa Dumalinao MPS alang sa tukmang disposisyon.

Facebook Comments