Pamilya sang asawa nga ginpatay sang bana bangod sa pangimon magafile na sang kaso

667

KABANKALAN CITY, NEGROS OCCIDENTAL – Desidido nga magpasaka sang kaso ang pamilya sang isa ka asawa nga ginpatay sang iya kaugalingon nga bana bangud sa pagpangimon kahapon sang aga sa ciudad sang Kabankalan.

Ang biktima sa amo nga krimen nakilala kay Merlinda Vergara, 30 anyos ang edad, samtang nakilala naman ang suspek nga bana sang biktima nga amo si Roberto Vergara, 40 anyos ang edad, lunsay residente sasng Brgy. Tampalon, Kabankalan City.


Suno sa hepe sang Kabankalan City Police Station nga si P/Supt. Jonel Guadalupe, natabo ang insidente pasado las 5 kahapon sang kaagahon sa gwa sang balay sang mag-asawa sa Brgy. Tampalon.

Base sa imbestigasyon sang pulis, pagpangimon ang motibo kon ngaa nag-away ang mag-asawa kon diin ginlagas pa sang suspek ang biktima tubtub sa kalsada kag didto ginbuno ang babaye kag gin-gulot ang li-og sini.

Matapos ang krimen, nagsungka man sa pulis ang suspek kag ginapreparar na ang kaso parricide nga igapasaka batuk sa iya./dyHB BACOLOD

Facebook Comments

From Advertisers