Davao City – Ugdaw nang naabtan sa usa ka pamilya ang ilang panimalay kinsa padulong unta nga maglubong sa ilang namatay nga miembro sa pamilya.
Sa pakighinabi sa DXDC RMN Davao kang FO2 Jarrisiah Pizarras, ang imbestigador sa Bangoy Fire Station, gibutyag niini nga gipanag-iyahan ang maong karaang balay nga duha ka andana ni Mr. Anastacio Milan nga nahimutang sa Bolton Extension ning syudad sa Davao.
Subay sa gihimong imbestigasyon, electrical short circuit ang gilantaw nga hinungdan sa sunog pasado alas-12 sa udto ug nadeklarang fire out alas-12:55 sa udto diin gibana-banaang muabot sa P300,000 ang damyos.
Saysay ni Pizarras nga sa ikaduhang andana sa balay nagsugod ang kalayo diin adunay nakit-ang gibiyaan nga mga nakasaksak nga charger sa cellphone kung asa posibleng nagsugod ang kalayo.
Nasayran nga walay tawo sa maong panimalay human nga padulong ang tibuok pamilya sa menteryo sa paghatud sa lubong sa usa sa ilang mahal sa kinabuhi.
Gikumpirma sa opisyal nga walay natalang casualty gawa sa high breed nga binuhing iro sa pamilya.
RadyoMaN Kirby Manzon
