Pamilyang nasunugan nga gikaangol sa usa ka biktima nangayo ug tabang

12

General Santos City—Nangayog tabang ang asawa sa biktimang naangol sa nahitabong sunog sa iyang balay nga si Cirelito Bedra nga taga Purok Malipayon, Barangay San Isidro, Gensan ngadto sa mga dunay malumong kasing-kasing human silang nawad-an ug balay.

Sumala sa asawa sa biktima nga lisod kaayo ang ilang kahimtang sa kasamtangan hilabi na nga wala gyud silay nasalbar sa ilang mga gamit bisan na ang ilang kwarta nga apil sa pagkasunog.

Matud pa sa ginang nga dakong problema nila karon ang balayranan sa ospital ingon man ang ilang kapuy-an inig makagawas na sa ospital ang iyang bana.

Nasayran nga sa dihang nahitabo ang insidenti, wala ang ginang sa ilang panimalay gumikan tua kini sa syudad sa Davao.

Igo nalang syang gitawagan sa iyang anak bahin sa nahitabo sa ilang balay ug sa iyang bana kansa nalapnos ang panit human natrap sulod sa nasunog nga balay ug kasamtangan pa nga nagpaalim sa ospital.

Dako usab ang pagtuo sa ginang nga short circuit gyud ang hinungdan sa sunog sa ilang balay.

Facebook Comments