Pamunuan sang PDEA 12 nagpasalamat sa kooperasyon sang katawhan sa kampanya batok illegal drugs.

10

Ginpasalamatan sang pamunuan sang Philippine Drug Enforcement Agency (PDEA) 12 (Soccsksargen) ang kooperasyon sang katawhan sa kampanya kontra illegal drugs nga paagi sa pagreport tigayon nga nadismantle ang drug den kag pagkaaresto sang lima ka mga persona sa Tacurong City, Sultan Kudarat
Suno kay PDEA 12 Regional Director Naravy Duquiatan nga isa ka concerned citizen ang naghatag sang impormasyon sa PDEA operatives paagi sa “Isumbong Mo Kay Wilkins” platform angot sa operasyon sang drug den sa Barangay Baras, Tacurong City.
Madumduman nga naaresto sa operasyon ang drug den maintainer nga ginkilala kay Jomar Patiño sa Barangay Baras nga wala na nagbato pa kag ang tatlo nga yara pa sa drug den.
May-angot sini, ginahangkat sang PDEA Director ang mga pumuluyo nga magsubscribe sa ‘Isumbong Mo Kay Wilkins’ platform agud matapna ang illegal drug activities sa pungsod.
Nahibaluan nga ang “Isumbong Mo Kay Wilkins” ang isa ka programa ni PDEA Director General Wilkins Villanueva nga ang mga pumuluyo ang sarang nga maghatag sang impormasyon paagi sa SMS (short message service) kag social media agud i-alerto ang PDEA angot sa mga aktibidad sang iligal nga droga sa ila nga lokalidad.

Facebook Comments