Pamunuan sang Provincial Health Office sang South Cotabato ginaawhag ang mga ginikanan nga pasugtan nga mabakunahan ang mga kabataan.

24

Ginaawhag sang pamunuan sang Provincial Health Office sang South Cotabato ang mga ginikanan nga pasugtan nga mabakunahan ang mga kabataan sa idalom sang school base program sang Department of Health.

Suno kay Provincial Health Officer Dr. Rogelio Aturdido Jr., indi dapat magkahadlok ang mga ginikanan sa ihatag nga bakuna sa mga kabataan tungod safe ang vaccine para sa measles kag iban pa matapos nga sadto pa man ini ginagamit.


Paklaro niya pa nga kon nahilanat ang bata nga nabakunahan ini ang positive sign nga ang lawas sang bata ang nagarespondi sa bakuna.

Nahibaluan nga sa school based immunization program target sini ang kindergarten tubtob grade 7 nga mga kabataan nga makabaton sang measles rubella vaccine kag dugang nga tetanus diptheria ang mabaton sang grade 1 kag grade 7 kag ang grade 4 nga babaye nga bata ang makabaton sang Human Papillomavirus (HPV) <www.cdc.gov/hpv/index.html> ukon anti –cervical cancer vaccine.

Katuyuan sini nga malikawan ang outbreak sang balatian dire sa probinsya sang South Cotabato.

Ginpaklaro man sang pamunuan sang Provincial Health Office nga indi kakulangan sang vaccine ang rason sang pagnubo sang immunization rate sa regular sa probinsya sang South Cotabato sang nagligad nga tuig kundi ang katahap sang mga ginikanan nga magpabakuna sang ila mga kabataan tungod sa dengvaxia controversy.

Apang sang nagpatigayon sila sang supplemental immunization batok tipdas sang bulan sang Pebrero tubtob Marso subong nga tuig nagalab-ot sa 96.53 percent ang immunization rate sa diin nalab-ot sang probinsya ang target nga 85 percent.

Facebook Comments

From Advertisers