Panabo PNP: Nagpusil-patay sa Kagawad gikasohan na

Davao City – Murder ang gipasakang kaso sa suspek sa pagpusil-patay kang Kagawad Herky Abad sa Barangay Tibungco, Davao City nahitabo sa Barangay New Malitbog, Panabo City, Davao del Norte niadtong Agosto 13, 2022.

Sa interbyu sa DXDC RMN Davao kang Police Major Adelon Caacbay, Chief of Police (COP) sa Panabo City PNP, gibutyag niini nga napasaka na ang kaso batok sa suspek nga si Bryan Abellana Pequiño.

Nasayrang nalambigit ang suspek sa vehicular accident sa Barangay New Pandan sa mismong adlaw nga nahitabo ang krimen rason nga dali usab kini nga na-identify og gilayong naaresto.

“Na-involve sya (ang suspek) sa aksidente. So, ‘yun ang punto na nag-fit ‘yung sinusuot na based sa description ng shooter natin. Positively identified sya nung mismong witness na katabi ni kapitan nung binaril sya,” saysay ni Caacbay.

Nahimong kapitan sa Barangay Gatungan ang biktima diin matud sa asawa niini nagbaton na kini og hulga sa iyang kinabuhi butang nga ginalantaw usab karon ang politika isip motibo sa krimen.

RadyoMaN Kirby Manzon

Facebook Comments