Panaderia o casa de raton?

53

El ofesina de Salud bajo na supervision del encargao si Dr. Dulce Amor Miravite ya manda serra temporaryamente con el un panaderia o Bakery despues ya man calayat na facebook el retrato del un raton adentro na estante junto con el maga pan.
Asegun con Dr. Dulce Amor Miravite del City Health, ya inspecciona sila con el mencionao bakery enantes aga seguiendo con el retrato ya queda “viral” na facebook donde durante el diila ocular inspection ya puede nota el grupo tiene violacion el management del bakery na aspeto de limpiesa o sanitary.
Si Dr. Miravite ya habla despues sila ya encontra cuantos vioalcion del bakery na limpiesa ensiguidas le ya recomenda el temporaryo serada y ya manda hace el nececario limpiesa.
Pero si Miravite ya confirma que nohay sila recivi pormal reclamo na ofesina desde con el quien ya puede saca con el retrato na bakery.
Mañana esperanzao ay bira el grupo di Dr. Miravite na bakery para checquia si ya compli el management con el mandato de limpiesa.

Facebook Comments