Panalapi Sa Zamboanga Del Norte Medical Center Lig-On, Matud Pa Ni Dra. Pelinio

Lig-on karon ang panalapi sa Zamboanga del Norte Medical Center (ZNMC) kung itandi sa mga miaging tuig nga dili pa kini accredited sa Philippine Health Insurance Corporation (Philhealth)

Kini ang giluwatang pamahayag ni Dra. Ermilinda Pelinio, ang Hospital OIC-Administrator sa ZNMC kalabot sa kahimtang niini karon.

Matud pa ni Dra. Pelinio, nga dili susama kaniadto nga dili dayon maatiman ang mga pasyente tungod kay kini pa ang magpalit og mga tambal kung itandi karon nga ang ospital na ang tanan mag-provide sa tambal  kung ang pasyente covered sa Philhealth.


Ang ZNMC nga level 2 o tertiary hospital, adunay dul-an sa 50 ka mga doctors kini gilangkuban sa mga regular ug job order’s physician.

Dugang pamahayag ni Dra. Pelinio, nga gipalapdan pa ni Zamboanga del Norte Gov. Roberto Y. Uy ang serbisyo pinaagi sa Point of Care  sukad sa miaging tuig.

Sigon sa Circular 32, series of 2013 nga napatuman kaniadtong Nobyembre 29, 2013, gi-formalize sa PhilHealth ang “Point of Care Enrolment Program nga nagtumong sa mga non-members kinsa nahisakop sa Class C-3 o D nga na-confined sa mga government hospitals. (Mardy D. Libres)

Facebook Comments