PANAWAGAN ANG HUSTISYA | Pamilya sang napatay nga si Patrolman Richard Villasis, indi magpati nga nagkomiter sang suicide ang ila himata!

Jamindan, Capiz – Wala nagapati ang iloy nga si Alicia Villasis nga nag-komiter sang suicide ang anak sini nga si Patrolman Richard Villasis. Suno diri nga isa ka malipayon, mabuot kag wala sang may ginalikom nga klase sang bata ang iya anak. Ulihi nga nagpauli ang biktima para nga magbakasyon sa sulod sang lima ka adlaw sa ila sa Brgy Jaena Norte, Jamindan sang nakaligad nga Mayo 27. Nagasigngit subong ang iloy sang hustisya sa kamatayon sang anak. Si Villasis ang nakit-an nga duguon kag wala na sang kabuhi sa barracks sini sa 1st Provincial Force Mobile Company nga nahamtang sa Brgy. Mabini, Escalante City, Negros Occidental. Ini ang nag-angkon sang patal nga pilas sa iya natuo nga dughan samtang narekober ang isa ka empty shell kag armasluthang nga gina-alegar gingamit sini sa pagpanginmatay.
photo(c)- Cris Ayayo

Facebook Comments