Panday gipusil-patay

32

Davao City – Mas gipalapdan karon sa kapulisan sa San Pedro ang gilusad nga imbestigasyon labot sa pagpusil-patay sa usa ka panday sa kulungan sa manok.

Sa report sa San Pedro PNP, naila ang biktima nga usa ka Andres Valendez Flores alias Andoy, 42 anyos, nga taga Purok 1, Brgy.40-D ning dakbayan sa Davao.


Matud pa nga nagpanday sa kulungan sa manok ang biktima ala 1:45 sa hapon niadtong adlawng Lunes, sa dihang nakit-an sa usa ka alias Hanna ang duha ka wa mailhing suspek nga kalit miabot ug diin ang ka suspetsado nga nakasuot og color itom ug puti nga t-shirt ug itom nga short pants maoy miduol ug mihulbot sa iyang armas dayon sa gipusil ang biktima sa kaduha ka higayon tumong sa ulo resulta sa hinanaling kamatayon.

Human sa hitabo, daling misibat ang duha ka suspek padulong sa Velosa St. Bucana Brgy.76-A ug narekober sa SOCO Team gikan sa crime scene ang duha ka basiyo sa armas.

Ang kapulisan sa San Pedro ubos sa liderato ni Police Major Jack Tilcag padayon nga naglusad og imbestigasyon ngadto sa mga pamilya aron masayran ug ma-identify ang duha ka suspek ug unsay motibo sa pagpusil sa biktima.

Ang patay’ng lawas gidala na sa Angel Funeral Homes ning syudad samtang ang pamilyang Flores nanawagan nga matagaan ug hinanaling hustisya ang kamatayon sa ilang mahal sa kinabuhi.




RadyoMaN Don Pulayao

Facebook Comments