Panday nadakpan sa pagpayuhot sa illegal nga droga

37
Imbes nga mamanday, misaybit hinoon pagpamaligya og ginadiling drogang shabu ang usa ka panday hinungdan nga nadakpan atol sa drug buy-bust operation nga gipahigayon sa mga kapulisan pasado alas 7:28 kagahapon sa buntag sa Purok-4, Barangay San Jose, Malaybalay City, Bukidnon.

Giila ang suspek nga si Randy Cabaluna, 33 anyos, dunay kapuyo, panday sa mga furnitures, ug residente sa Purok-2, Barangay Mapayag, Malaybalay City, Bukidnon.

Napalit ngadto sa suspek ang duha ka mga pakete sa gituohang drogang shabu nga mitimbang og 0.09 gramos ug gibana-banang mukantidad og P612.00 samtang laing unom ka mga pakete sa drogang shabu ang nakompiska nga mitimbang og 1.04 gramos ug mukantidad og P7,072.00.

Narekober usab ang usa ka P500 bill ug usa ka disposable nga lighter.

Gidala na sa Malaybalay City Police Station ang dinakpang suspek lakip ang mga nakompiskang ebidensya nga iturn-over ngadto sa PNP Forensic Unit alang sa dugang eksiminasyon samtang mag-atubang sa paglapas sa RA 9165 kon Comprehensive Dangerous Drugs Act of 2002 ang dinakpang suspetsado.

Facebook Comments