Panday, patay sa buy-bust operation sa Polomolok, South Cotabato.

49

Patay ang target sa ginpatigayon nga buy-bust operation sang gintingob nga pwersa sang Polomolok kag SCPMFC-SCPPO sa koordinasyon sang PDEA 12 sa Purok 6, Barangay Crossing Palkan Polomolok, South Cotabato, alas 5:45 kahapon nga adlaw, Hunyo 15, 2021.
Ginkilala ang suspek nga si alias “Francis Lacuna” nga ang matuod nga pangalan Francisco Adaraian Lucana , 31y/o, panday kag residente sang residente sang Purok 4A Brgy. Koronadal Proper, Polomolok, South Cotabato
Base sa report sang Polomolok MPS, sang namutikan sang suspek nga polis ang katransaksyon gilayon ini nga nagsibat sakay sa iya motorsiklo kag gintiro ang Police Poseur buyer rason nga nagdepensa man ang police officer kag ang operating team.
Resulta, nadulaan sang kontrol sa ginamaneho nga motorsiklo ang suspek kag natumba kabangdanan sang iya kamatayon tungod sa naangkon nga fatal head injury.
Nakuha naman sa lugar ang mga ebidensya nga ginalakipan sang lima ka sachets sang shabu, 1 ka unit sang 357 revolver with one 357 MAG-fired cartridge case; 2 ka caliber 357 MAG-misfired ammunition’s kag 2 ka caliber 38 SPL misfired ammunitions, 3 ka pieces 9mm fired cartridge cases, P1, 000.00 buy-bust money, sling bag, assorted documents and identification cards kag motorsiklo nga ginsakyan sang suspek.
May kabug-aton naman nga more or less 1 gram ang nakuha nga illegal drugs nga may DDB value P6, 860 per gram.
Gindala naman sang SOCO team ang mga nakuha nga mga armas luthang, basyo kag misfired ammunitions para sa Ballistic Examination/Integrated Ballistic Identification System kag ang illegal drugs para sa Laboratory examination.

Facebook Comments