PANDEMIC TECHNOLOGY

Una pa man kita giigo sa pandemya, makita na ang dakong tabang sa teknolohiya ilabi na sa mga high-income ug developed countries diin karon sa ikaduhang tuig sa krisis sa panglawas mas midoble na ang gamit niini ug makunsidera na nga esensyal nga panginahanglanon.

Usa na dinhi ang pagpadayon sa edukasyon sa kabataan nga di na kinahanglan muadto pa sa tulunghaan sanglit mamahimo na ang online classes.

Tuod man nindot ang ideya niini apan dako sa gihapong hagit alang sa mga magtutudlo gumikan hagbay ng problema sa ‘Third-world countries’ ang hinay nga internet connection.

“Naay time nga si teacher kusog kaayo ang internet pero ang mga bata maoy wala, so useless kaayo ang affort ni teacher sa pagdeliver sa lesson kay ma-disrupt lang sa bata nga side. Naa po’y time nga sa student okay ang connection pero ang teacher napod ang walay tarong nga connection,” segun niini.

Gawas niini, gisugilon ni Roy nga prone sa pagpanikas ang online set-up ug mas kapoy gumikan doble ang efforts nga ihatag nila matag adlaw.

Tungod usab sa mando nga stay at home sukad mibutho ang pandemya, na-aplikar ang work from home kon alternative work arrangement.

Base sa pagtuon ni Bob Evans nga “The Zoom revolution: 10 eye-popping stats from tech’s new superstar”, anaa lang sa 10 million ang daily meeting participants niadtong December 2019 apan mikalit kini’g saka sa 300 million niadtong April 2020.

Gani, posible pang molungtad ang videoconferencing sama sa Google Meet, Zoom, o Microsoft Teams hangtod sa mahuman ang pandemya.

Pinaagi sab sa teknolohiya, mas nahimong konbinyente na ang pag order og pagkaon o gamit sa usa ka indibidwal pinaagi sa online food and shopping applications diin nakahatag usab kini og opportunidad nga trabaho nga mao ang food and service delivery diin nadugangan pa ang kapin 45,000 nga delivery riders niadtong 2019.

Mamahimong cashless ang bayad sa pagpurchase og mga goods and services pinaagi sa alternative payment scheme sama sa Paymaya, Gcash, o bin ba kaha online banking. Less hassle ug likay usab sa direct contact kontra COVID-19.

Solusyon sa pagkaburyong sa kadaghanan ilabi na sa netizens tungod sa stay home campaign sa gobyerno ang pagkalingaw sa online mobile applications diin gawas sa Facebook, Instagram, Snapchat, ug Twitter, midaghan ang migamit sa Chinese-owned social media application nga Tiktok.

Diin dinhi maka upload og mugbo nga user videos sa mnaglahing genre sama sa pag prank, stunts, tricks, jokes, dance craze, ug entertainment gikan 15 seconds ngadto sa 5 minutes.

Apan sabay sa paglapad pa sa positibong oportunidad sa digital world, misaka usab ang tyansa sa mga oportunista aron mamiktima sa digital scam diin sa first quarter sa tuig 2021 44% ang nabiktimang Philippine-based consumers sulod lamang sa tulo ka bulan base sa Global Consumer Pulse study.

Sa maong pagtuon usab nasayran nga ang Eastern Samar, Makati City, ug Manila ang nanguna sa dunay pinakadahang fraudulent digital transactions diin sagad sa mga biktima mao ang Generation Z kon katong gipanganak between 1995-2002.

Tuod man gina-enjoy nato ang teknolohiya panahon sa pandemya, gani atong gamiton kini sa maayong tumong ug dili abusaron.

Gani kita mismo mag-igmat sa posibleng scam ug i-aplikar ang ideya nga “Think before you click”.

RadyoMaN Jason Amisola

Facebook Comments