PANGASINAN NAGLABAS NG BAGONG TRAVEL RESTRICTIONS SA MGA INDIBIDWAL NA MAGMUMULA SA NCR PLUS

120

Nagpatupad ng bagong travel restrictions ang lalawigan ng Pangasinan sa mga indibidwal na magmumula sa National Capital Region Plus o tinatawag na NCR Plus matapos isailalim ang lugar sa General Community Quarantine.

Sa Executive Order No. 0049-2021, na inilabas ng pamahalaang panlalawigan, nakasaad dito na partially lifted na ang travel restrictions sa NCR Plus upang bigyang daan ang panunumbalik ng ekonomiya at pag-iingat pa rin sa public health.


Sa ilalim ng bagong travel restrictions, pinapayagan lamang umano ang point-to-point travel dito.

Ang mga inter-provincial bus ay dapat point-to-point lamang. Lahat ng mga turistang manggagaling dito ay kailangang magpakita ng negatibong resulta ng RT-PCR test bago makapasok sa lalawigan.
Ang 9: 00pm-4:00am na curfew ay mahigpit namang ipatutupad sa buong lalawigan bilang pag-iingat pa rin sa nararanasang pandemya dulot ng COVID-19.

Facebook Comments