Panggagamhanang Probinsyal sa Bukidnon nagpatuman sa Alternative Work Arrangement

Gipatuman sa Pangagamhanang Probisyal sa Bukidnon ang Alternative Work Arrangement (AWA), sugod Nobyembre 9, 2020, pinasikad sa Executive Order No. 39, Series of 2020 ni Governor Jose Ma. R. Zubiri, Jr. nga pinitsahan niadtong Nobyembre 6, 2020.

Sa gipahigayong meeting ni Governor Jose Maria R. Zubiri uban ang mga department heads sa mga opisina sa kapitolyo probinsyal, gimandu niini ang AWA aron sa paglikay ingon man proteksyon sa mga empleyado, gumikan sa nagkataas nga ihap sa kaso sa COVID-19 sa syudad sa Malaybalay.

Tungod niini, lauman sa mosunod nga mga adlaw sa mga buhatan sa Kapitolyo, hangtud nga bakwi-on kini sa gobernador ang shifting of work schedules nga nasabutan sa mga hepe sa opisina nga mao ang mga mosunod: three-day work week ug two-days work-from-home arrangement, shifting or rotation of schedules, o ba kaha kombinasyon niini basta kay makumpleto ang 40-hour week, subay sa CSC MC No. 10, series of 2020.


Mahinumduman nga nagpagula si Presidente Rodrigo Duterte sa Proclamation No. 922, pinitsahan Marso 8, 2020 nga nagdeklara sa State of Public Health Emergency sa tibuok nasud gumikan sa Coronavirus Disease, samtang gisundan usab kini sa Memorandum Circular No. 10, Series of 2020 sa Civil Service Commission isip giya sa mga empleyado sa gobyerno ning panahon sa emerhensya.

Facebook Comments