Davao City – Ipasang-at karong adlawa sa kapulisan ang kaso batok sa driver sa Wing Van Truck subay kini sa mangilngig nga disgrasya sa may Diversion Road at Guadalupe, Km. 5 in Matina Pangi, Davao City, Martes sa buntag.
Matud ni Talomo PNP station commander Police Major Ronald Lao nga kasong Reckless Imprudence Resulting to Multiple Homicide, physical injury ug damage to property ang atubangon sa drayber nga si Joel Sinampay Aras, 36, nga taga- Camaman-an, Cagayan de Oro City.
Segun ni Lao nga ang kumpanya nga nanagiya sa maong truck nitabang na sa kabanay sa mga biktima sa maong mangilngig nga disgrasya.
Napulo ka mga tao lakip na 3 anyos nga bata ang patay ug usa ang angol sa insidente human kini nadaro sa nawad-an og preno nga truck.
RadyoMaN Aimee Guinita
