Igadonar ni Pangulong Rodrigo Duterte ang isa sini ka bulan nga sweldo bilang bulig sa mga programa sang gobyerno batuk sa COVID-19.
Suno kay Presidential Spokesman Salvador Panelo, pakigbahin ini sang pangulo sa mga opisyal sang gobyerno nga nag-donate sang ila mga sweldo.
“The President is likewise donating his one month salary for the cause,” pahayag ni Panelo.
Nahibalu-an nga yara sa P400,000 per month ang sweldo sang pangulo.
Samtang, igadonar naman ni Panelo ang 75% sang iya P260,000 nga bulanan nga sweldo sumugod Abril tubtob Disyembre.
Dugang pa ni Panelo nga iga-donate man ang 10% sang mga sweldo sang Assistant Secretaries nga naka-assign sa Office of the Chief Presidential Legal Counsel kag Presidential Spokesman para sa bulan sang Abril.
