Dipolog City – Mahalong mga gadgets ug kwarta ang nasakiyo sa wa pa matumbok nga kawatan kinsa misaka sa usa ka pinuy-anan didto sa South Baybay Sa Barangay Galas dakbayan sa Dipolog niadtong Martes sa kadlawon.
Ang nabiktima sa pagpangawat naila nga mao si Mark Leo Lim, nagpuyo sa maong lugar.
Saysay pa sa biktima ngadto sa Police Investigator sa Dipolog PNP, ang mga nahanaw nga butang mao ang Lenovo Netbook, usa ka J5 Samsung Cellphone ug kolor itom nga pitaka nga dunay kwarta nga mokabat sa kuwatro mil ka pesos.
Gidugang pa nga nadiskobrihan nalang niya ang paghitabo pasado alas 7:00 na sa buntag nga wala niini namatikdi ang pagsulod sa mga kawatan diin nakasulod sa ilang panimalay pinaagi sa paglangkat sa duha ka bildo sa jealousy sa bintana sa may kwarto .
Ang kapulisan ning dakbayan padayun pa karun og imbistigar pag-ila ug pagsikop na unya sa suspek.
