Panimalay ni Digong gidagsa karong adlawa

42

Davao City – Gidagsa sa mga supporters ni Pres. Rodrigo Duterte ang subdivision sa Doña Luisa, Matina, Davao City, karong adlawa, Marso 28, subay sa pagsaulog sa iyang ika-73rd nga adlaw’ng natawhan.

Sa pakighinabi sa DXDC News Team sa katawhan, gikan pa sa lagyong dapit ang mga mitambong sama sa Mati, Tagum, Saranggani, pipila gikan sa Luzon areas ug uban pa aron mag mañanita ug personal nga magpadayag og greetings ngadto sa pamuno-nasud.

Bisan pa giharang sa Presidential Security Groups, nikanta na lamang sila sa kanto sa maong subdivision diin mao ang ilang tumong. Gani ang uban nagpabilin sa karon kinsa malaumon nga mupatim-aw ang presidente aron ilang matimbaya.

Una nang gipamahayag ni Special Assistant to the President (SAP) Bong Go sa iyang statement nga mag relax ug matulog lang si Pres. Rodrigo Duterte sa iyahang ika-73rd birthday.

Sumala ni SAP Go, walay party nga mahitabo si Pangulong Duterte karong adlawa tungod magpahulay lang kini sa iyang panimalay dinhi sa syudad sa Davao.

Dugang ni Sec. Go, makauban ni Pangulong Duterte ang iyang pamilya ug mga apo sa iyang birthday diin naandan na niini nga dili magpahigayon og party bisan pa man niadtong mayor pa kini dinhi sa Davao.

RadyoMaN Jason Amisola

Facebook Comments