PANIMALAY SA SENIOR CITIZEN GIRANSAK, GITAGUANG ARMAS NALIMAS

2


GENERAL SANTOS CITY- Padayong giila sa kapolisan ang mga suspek nga niransak sa panimalay sa biktimang senior citizen giila sa pangalang Sukarno Landasan, 61-anyos, residente sa 3rd Road Villegas Subdivision Barangay San Isidro.

Sa imbestigasyong gipagawas sa San Isidro Police Station nakit-an sa testigong 16-anyos ang pagpundo sa tulo ka wala mailhing lalaki sakay og motorsiklo nga may tabon sa nawong atubangan sa panimalay sa biktima.

Gisaka matod sa mga suspek ang 7 feet nga sementadong kural og gilungkab ang bintana aron makaagi pasulod ang mga suspek.

Gipunterya ang cabinet kung asa nakatago ang .40 caliber pistol sa nahisgutan nga maoy gilimas sa kawatan.

Wala na makit-i ang pagsibat sa mga suspetsado.

Ulitawo namaligya og marijuana atubangan sa simbahan, nadakpan

Gipaslak na sa lock-up cell sa presinto sa kapolisan ang 21-anyos nga ulitawong lalaki human nasikop sa pagpamaligya og iligal nga drogang marijuana atubangan og simbahan alas-9 sa gabie adlawng Myerkules.

Giila ang suspek sa pangalang Nico Clyde Fabias nga residente sa Zone 25 Botanic Compound Barangay City Heights ning siyudad.

Napalitan matod pa sa poseur-buyer nga pulis ang suspek og marijuana nga giputos og notebook sa kantidad nga 500 pesos.

Dihang nasikop ang suspek gikapkapan pa kini sa apprehending officer og narekober ang laing marijuana nga giputos og plastic nga supot.

Kasong kalapasan sa RA 9165 o Comprehensive Dangerous Drugs Act of 2002 ang atubangon sa suspetsado.
For more info’s and updates, like and share our official facebook account : www.facebook.com/ifm91.9Gensanofficial/

Facebook Comments