Pannakakuryente Dagiti Dua a Lineman ti INEC, Maimbestigaran

305

iFM Laoag – Agtultuloy ti imbestigasyun seknan ti pannakakuryente dagiti dua a linemen iti Ilocos Norte Electric Cooperative (INEC) a napasamak iti passet iti Barangay 12, San Nicolas, Ilocos Norte idi Sabado, Hulyo 13.

Nabigbig dagiti biktima isuda; Talio Portela a taga Brgy. 9, San Nicolas kenni Marcon Domion a taga Brgy. 6 iti metlaeng nadakamat nga ili, agpada a lineman iti INEC Zone 6.


Basar iti impormasyun, bayat a tartarimaanen dagiti biktima ti linya ti kuryente iti toktok ti poste ket kellaat a naipasigged ti kuryente manipud iti ‘master control’ rason a nakuryente dagitoy ket naisalapay ti bagỉda kadagiti linya.

Agtultuloy ti imbestigasyon iti Philippine National Police ken Ilocos Norte Electric Cooperative mainaig iti daytoy nga aksidente. Karaman a maibestigaran ditoy nu siasino ti ‘supervisor-on-duty’ ngamin ta isuna ti addaan bileg a mangmandar iti kontrol ti linya.

Bernard Ver, RMN News

Facebook Comments

From Advertisers