Panukala na nag-aamyenda sa Dangerous Drugs Act of 2002, lusot na sa Kamara

65

Pasado na sa ikatlo at huling pagbasa sa Kamara ang panukala na layong amyendahan ang Republic Act 9165 o Comprehensive Dangerous Drugs Act of 2002.

Sa botong, 188-Yes, 11-No at 9-Abstain ay tuluyang pinagtibay sa plenaryo ang House Bill 7814 o An Act Strengthening Drug Prevention and Control.


Isinusulong sa panukala ang “legal presumptions” laban sa mga personalidad na kinukunsiderang nagkakanlong o protector at financier ng drug suspects at mga sindikato; importers at exporters; maging ang manufacturers ng mga iligal na droga; at consenting lessors o landlords na nagpapaupa ng mga lugar na ginagamit bilang laboratory o drug dens.

Nakasaad din dito ang panukalang amyemda sa Section 21 ng batas, kung saan gagawin nang mandatory ang pagsusuot ng body cameras ng mga law enforcer tuwing may anti-drug operations.

Mababatid na inihayag ni House Committee on Dangerous Drugs Chairman Robert Ace Barbers na palalakasin ng amyenda sa batas ang kampanya ng bansa laban sa iligal na droga.

Facebook Comments