Papal Legate Nga Si Cardinal Bo Nitan-Aw Sa Dancing Inmates Sa Cebu

 

Gikalipay ug maayo sa mga dancing inmates sa Cebu Provincial Detention and Rehabilitaiton Center (CPDRC) ang pagduaw kanila sa  Papal Legate nga si Charles Maung Cardinal Bo.

Sul-ob ang ilang orange nga uniporme, t-shirt nga adunay printa nga logo sa International Eucharistic Congress  ug puti na guwantes una nilang gnayaw ang awit ni Michael Jackson ng They Don’t Care About Us ug gisunod ang official hymn sa  IEC nga Christ in Us Our Hope of Glory nga gikalipay ug maayo ni Cardinal Bo.

Sa iyang mensahe giawhag ni Cadinal Bo ang mga inmates nga di mawad-an ug paglaum samtang naa sa bilangguan ug ipadayon ang ilang pag-ampo.


Ihulagway pa ni Cardinal Bo ang sayaw sa mga inmates nga usa ka `love letter` nga direktang niigo  sa iyang kasingkasing.

Disyembre pang nag-ensayo ang mga inmates sa ilang sayaw human sila gipahibawo nga motan-aw kanila ang mga delegado sa IEC ug wa sila magdahum nga ang representante mismo sa santo papa nga si Cardinal Bo ang motan-aw sa ilang pagsayaw. (KHEN GALINEA)

Facebook Comments