Parag-uma ginpamumusil, patay han 11 nga suspek

Calbayog City, SAMAR – Ginpamumusil patay an usa nga parag-uma ha Brgy. Higasaan Seven Hills han Calbayog City, Samar, alas 6:30 han gab-i dida han martes.

Basi ha report han Samar Police Provincial Office, ginkilala an ginpamumusil nga biktima nga hi Ricky Cajusay Arandia, 28 anyos, mayada live-in partner ngan residente ha nasabi nga lugar.

Ginkilala naman liwat an 11 nga suspek nga mga parag-uma:


Dandy Ligason Wahingon, Rolando Dulay Wahingon ngan Rogelio Dulay nga mga taga Brgy. Hibolwangan, Silvino Lubos, Northern Samar.
Nilo Ligason Wahingon, Adolfo De Pedro Mateo, Saldy Dulay, Baby De Pedro, ngan Bely De Pedro nga mga taga BRGY. Higasaan, Seven Hills, Calbayog City, Samar,
Bonggo Balintino nga taga brgy. Tanval, Seven Hills,Calbayog City, Samar.
Magasa De Pedro nga taga Brgy. Olera, Seven Hills, Calbayog City, Samar.
Melky Balantino, nga taga Brgy. Himalandrog, Seven Hills, Calbayog City Samar.

Ha nagawas nga inisyal nga imbistigasyon han mga otoridad, tipakadto an biktima ha iya umahan han pauranan hiya han bala hin pusil han mga suspek rason han iya dayon nga pagkamatay.

Samtang, nagreport an tatay han biktima nga hi Carlos Villacampo arandia ha mga kapulisan kasangkulop la nga ginpamumusil an iya anak.

Ginturn-over pa han tatay han biktima an duha nga basyo han bala han gin-aaligar 12 gauge shot gun, duha nga fired cartridge case han gin-aaligar 9MM ngan 30 nga basyo han bala han gin-aaligar 5.56 caliber nga pusil, igindara na ini han mga otoridad ha Calbayog Crime Laboratory para ma-eksamin.

Padayon nga ginpapamiling han mga otoridad an mga suspek ngan padayon an ira imbistigasyon.

Facebook Comments