iFM Laoag – Babaen iti panangidaulo ni Provincial Agrarian Reform Program Officer II Vic M. Ines, inwayat ti Department of Agrarian Reform – Ilocos Norte ti eleksion para kadagiti agbalin a sectoral representative ti Provincial Agrarian Reform Coordinating Committee wenno PARCCOM iti probinsia.
Ti PARCCOM ket komite a bukbuklen dagiti representative manipud iti naduma-duma a sector. Tumulong daytoy a mangmonitor no husto ken nasayaat met laeng ti pannaka-implementar dagiti proyekto ti DAR iti probinsya.
Dagiti nabutusan a PARCCOM sectoral representative ket dagiti sumaganad: Lorenzo “Ka Pabo” Padama, Cultural Community Representative; Rosalino Galam, Farmers Organization Representative; Amelia Bautista, Agricultural Cooperatives Representative; Jovito Sablay ken Zaldy Asuncion, Landowners Representatives; Camilo Abadilla, NGO Representative; Romeo Acang ken Rodel Pedronan, Agrarian Reform Beneciciaries Representatives.
Kalpasan a nabutusanda itay bigat, naipatungpal a dagus ti panagsapatada babaen kenni Provincial Agrarian Reform Program Officer II Ines.
Ti umuna nga opisial a panagtataripnong dagiti kabbaro a nabutusan a kameng ti PARCCOM ket inton maikadua a lawas ti Septiembre. [Ladawan ken detalye: Jeorge Guerrero]
Bernard Ver, RMN News
