‘Parental discipline’ yawe vs bullying

Davao City – Usa sa maka-contribute sa bullying mao ang social media tungod sa sobrang oras sa paggamit sa internet sa mga kabatan-onan nga wala mabantayi sa mga ginikanan.

Matud ni Kenneth Tagaro, Eastern Mindanao Congress Youth Peace Committee head, usa kining social media platform nga Facebook, Twitter ug uban tungod kay daghang mo-comment or mo-like sa ilang mga ipang-post nga wala nila mabantayi nga nakalapas na diay sila sa katungod sa ubang mga batan-on.

Tungod niini gihangyo ni Tagaro ang mga ginikanan nga dili pasagdan ang mga anak ug tudloan sa maayong pamatasan, disiplinahon aron magbaton og respeto, samtang sa eskwelahan hugtan pa ang pagpanudlo mahitungod sa moralidad aron magsilbing giya sa matag estudyante.


Gipasabot usab ni Tagaro nga ang nahitabo sa usa ka dalagita didto sa Sta. Maria, Davao Occidental kinsa gi-alegar nga gipatay tungod sa bullying usa ka leksyon sa mga ginikanan sa urgency nga pagpanton sa ilang mga anak aron dili mahaylo sa dautang binuhatan.

RadyoMaN Bernard Pantallon

Facebook Comments