El maga detenido del Zamboanga City Jail ya comensa yah ace maga decolores y plantudu maga parol amediente ta aserca ya el benedero Pascua.
El City Jail Warden si Supt. Alan Vargas ya habla este projecto del cuantos maga detenido ya queda ya como tradicion cadavez llega el tiempo de Pascua donde aqui tambien estos ta puede ayuda con el diila cada-y-cual pamilia afuera pormedio el diutay negocio na hacida y vendida de maga parol.
Egualmente con el maga años ya pasa, diferentes na grandor, decenio y precio del maga parol ta hace alomenos puede escuji el maga quien quiere compra con este.
Fuera con el parol, tiene ya tambien ta hace candela el cuantos maga inmates para bende egual conel maga decoracion de Pascua.
Si Vargas ya habla este clase de talento que tiene el maga inmates ta practica por cuantos decada ya no solamente aqui na ciudad lo mismo na otro maga jail facilities donde ta puede pa estos hace cen y entrega con el diila pamilia cada llegar el Pascua.
Asegun con Vargas abierto el City Jail para con aquelios quien quiere compra maga product que ta produci adentro del jail.
