Davao City – Nakatilaw og kulata ang suspetsadong snatcher human masakote sa mga nagpakabanang lungsuranon ala 1:00 sa kahaponon.
Sa blotter sa Talomo PNP, ang biktima mao si Elma Molina, 36 anyos, nagpuyo sa Brgy. Talomo Davao City, nagsakay sa PUJ rota Roxas-Talomo ug kalit lamang gilabni ang iyang clutch bag sa suspek nga mao si Ronel Marcojos Flores, 23 anyos, nagpuyo sa Panabo City.
Gipasa sa suspek ang clutch bag ngadto sa iyang kauban nga dali usab nga misibat human nga misukol ang biktima.
Naatlan usab nga nagpatrolya ang mga police sa Sandawa Matina rason sa pagkasikop sa suspek apan nakulatahan kini sa mga nakasaksing katawhan
RadyoMaN Erin Lumosbog
Facebook Comments
