Pasahero ginrape sang tricycle driver, driver todo deny!

VICTORIAS CITY, NEGROS OCCIDENTAL  – Hugot ga ginapanginwala sang is aka  trisikol driver gin-rape niya ang iya 20 anyos nga pasahero sa ciudad sang Victorias sadtong nagligad nga kaagahon.

Ang suspek nakilala kay Edwin Conde, 23 anyos ang edad kag pumuluyo sang amo nga lugar. 

Iya ginapanginwala ang akusasyon kag nagsiling nga sa amo nga mga inoras, may pasahero ini nga ‘agi’ nga amo ang makapamatuod nga wala niya gin rape ang amo nga babayi.

Sa imbestigasyon sang pulis nagasiling nga ang biktima naghalin sa isa ka kasadyahan sa public plaza kag magapadul-ong na kuntani sa ila balay, apang suno sa iya, ini siya ang gindala sang driver sa maligwin nga lugar kag didto nga gin rape.

Samtang, ginpahayag ni Victorias PNP chief P/supt. German Garbosa nga base sa resulta sang medical examination, nagapakita nga positibo nga ginhimuslan ang biktima.

Narecover sang utoridad ang pila ka personal nga gamit sang biktima sa traysikol sang suspek lakip na ang bloodstain kag mga buhok.

Ang suspek ang naga pabilin nga detained karon sa Custodial Facility sang Victorias PNP samtang ginahanda naman ang kaso nga igapasaka batuk sa iya./dyHB BACOLOD





image1.JPG

Facebook Comments