PASIDUNGGAN | 2 LT Jaywardene Hontoria, pagahatagan pasidungog sang LGU Pavia subong nga adlaw sa Flag raising ceremony

Pagapasidunggan sang Local Government Unit sang Pavia subong nga adlaw kadungan sa flag raising ceremony si 2lt Jaywardene Hontoria.

Ginkumpirmar ni Pavia Mayor Mike Gorriceta nga gin-imbitar niya si 2lt Jaywardene Hontoria sa flag raising ceremony sang banwa agud hatagan sang recognition ukon pagkilala bilang pinakauna nga Pavianhon nga nag-graduate nga valedictorian sang Philippine Military Academy (PMA).

Indi naman makapat-od si Gorriceta kon magatambong man si Hontoria sa session sang Sangguniang Bayan.


Ginakabig sang alkalde nga inspirasyon ang pagtinguha ni Hontoria nga makatapos sang pagtuon bisan pigado ang iya pamilya.

Si Mayor Gorriceta ang isa sa mga maninoy ni Hontoria sang ginkasal ini sa Baguio City pagkatapos sang PMA graduation sang Marso 18.

Facebook Comments