Pasingot alang sa mga magtutudlo! Runners, giaghat nga mosalmot sa ikaduhang Heroes Run sa Cagayan de Oro City

Giaghat sa Philippine College of Physicians Northern Mindanao Chapter ang tanang runners nga mosalmot sa himoong 2nd Heroes Run or Run for our Teachers.

Kini ipahigayon karong Hunyo 24 ning tuiga sa alas singko sa buntag sa Limketkai Grounds.

Sa maong kalihukan, giaghat usab ang mga modagan nga magsuot sa ilang paboritong Hero Character aron makadaog og Best in Costume.


Ang kita sa maong Heroes Run gamiton alang sa libreng medical checkup sa mga magtutudlo.

Nasayran nga pwedeng magparehistro sa Maria Reyna Hospital Out Patient Department aron maka-avail usab sa libreng Blood Cholesterol ug Sugar Screening alang sa mga 40 anyos pataas.

Alang sa dugang impormasyon, pwede usab makontak si Grace sa 0945-617-6098.

Facebook Comments