Pasugalan gironda sa kapulisan, konsehal apil sa nadakpan

32

Dumalinao, Zamboanga del Sur – Nakugang ang mga sugarol sa dulang mahjong dihang surpresa nga gironda sa kapulisan ang ilang gipwestohan sa Purok 1, Barangay Rebokon, Dumalinao, Zamboanga del Sur partikyular sa likod nga bahin sa balay ni Ferlyn Pacong .
Alas 1:45 kagahapon sa hapon gihimo sa tropa sa Dumalinao PNP ang police operation nga gipangunahan ni PCPT Irene Daligdigan nga miresulta sa pagkasikop sa mga target nga sila si Ferlyn Manlangit Pacong, 47-anyos, Romeo Pillo Aranas, 51 -anyos, konsehal sa Barangay Rebokon, Dumalinao, Alma Montealto Lawas, 48 -anyos ug Alfredo Neri Cagumbay, 48 -anyos, retirado nga sakop sa Philippine Army.
Nakumpiska sa posisyon sa mga dinakpan ang Mahjhong set ug sugal nga P1,310.
Ang mga dinakpan pulos gidala sa Dumalinao Municipal Police Station aron manubag sa salaod nga ilang nahimo.

Facebook Comments